Дэлхийн аварга Жоржи Зантария эхний даваандаа бүдэрлээ
Олон улсын жүдо бөхийн холбооны (IJF) уламжлалт томоохон тэмцээн болох Анталия гран при тэмцээнийг шууд дамжуулан үзүүлж байна. Турк улсын Анталия хотноо гурван өдрийн турш үргэлжлэх тэмцээнд энэ жил 76 орны 485 тамирчин оролцохоор болсон байна. Манай улсаас дэлхийн аварга М.Уранцэцэг, Г.Болдбаатар тэргүүтэй 19 тамирчин оролцох юм.
.jpg)
Өнөөдөр манай бөхчүүд тун өнгөтэй сайхан барилдаж ээлж дараалан өрсөлдөгчдөө давсаар байна. Өнөөдрийн гол дуулианаар дэлхийн алт, мөнгө, дөрвөн хүрэл медальт Украйны домогт бөх Жоржи Зантария аварга эхний учраагаа дийлэлгүй ялагдаж үзэгчдийн суудалд шилжлээ.
Тэрээр жингээ тэргүүлэн барилдаж буй тул эхний тойрогт гоц мөргөж хоёрдугаар тойрогт Португалийн Жоао Крисостомод цэвэр ялагдлаа. Хоёр жүдоч урьд өмнө нь 2017 оны Токиогийн их дуулга тэмцээн дээр учраа тааран барилдахад Жоржи Зантариа аварга ялж байсан юм.
Жоржи Зантариа аварга Португалийн Жоао Крисостомод цэвэр ялагдсан барилдааны бичлэгийг толилуулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.