Арсеналын их буучид гоолоор "галлав"
Английн премиер лигийн хүснэгтийн 4-т эрэмбэлэгдэж буй Арсенал клуб урд шөнө Боурнмоуф клубтэй тоглож 5:1 харьцаагаар бут ниргэв. Ингэснээр "Их буучид" лигтээ сүүлийн гурван тоглолт дараалан хожсон амжилттай явна. Харин эсрэгээрээ Боурнмоуф клуб Челсиг 4:0-оор хожсоноосоо хойш хожил аваагүй цувралаа үргэлжлүүлж байна.
Тоглолт эхлээд ердөө дөрвөн минутын дотор Озел тоглолтын салхийг хагалан гоол оруулсан бол 27 дахь минутад мөн л Озил Хенрих Мхитарянд гоолын дамжуулалтыг өгч 2:0 харьцаагаар их буучид итгэл төгс тэргүүллийг авч ирэх нь тэр. Гэвч сүүлийн гоолоос ердөө 3 минутын дараа Боурнмоуф клубын Лус Моуссет хариуг нь барьж 2:1 болгосон ч энэ гоол тэдний эхний бөгөөд сүүлийн гоол нь байсан юм. Харин их буучид үнэндээ гоолоор ширүүхэн галлаж тоглолт 5:1 харьцаагаар өндөрлөлөө.
Арсенал - Боурнмоуф багуудын тоглолтын тойм бичлэгийг хүлээн авч үзнэ үү.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.