Тээврийн цагдаагийн алба өнгөрсөн долоо хоногийн хугацаанд 1103 дуудлага хүлээн авснаас зам тээврийн ослын шинжтэй 844 дуудлага мэдээллийг хүлээн авч, шалган шийдвэрлэсэн байна.

Нийт бүртгэгдсэн осол, хэргийн улмаас нийслэлд нэг хүний амь нас хохирч, 15 хүн гэмтэж бэртсэн ба орон нутагт хоёр хүний амь нас хохирсон ноцтой зам тээврийн ослууд бүртгэгдсэнийг харьяа аймгууд дахь Цагдаагийн газар шалгаж байна.

“Сар шинэ 2019” нэгдсэн арга хэмжээний хүрээнд алба хаагчдаас иргэн Я-н Самсунг Эс-6 маркын гар утас хулгайлсан, эмийн сангаас 400,000 төгрөг хулгайлсан зэрэг 41 хэрэг, зөрчлийг илрүүлэн ажиллалаа

Зам тээврийн ослын 11 нь явган зорчигч мөргөж гэмтээсэн, 21 нь мөргөлдөх хэлбэрээр, 3 нь үл хөдлөх зүйл мөргөх, 1 нь онхолдох хэлбэрээр тус тус үйлдэгдсэн байна.

Алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 144 жолоочийг илрүүлэн хуулийн дагуу хариуцлага тооцож, 22 жолоочийг баривчилжээ.

Бүртгэгдсэн ноцтой зам тээврийн осол, хэргээс дурьдвал:

1.    БЗД-ийн нутаг Товчооны зам, Улиастайн уулзвараас Баянзүрхийн товчоо явах замд T.Raum маркийн автомашины жолооч нь явган зорчигч 41 настай Б-г мөргөж амь насыг нь хохироосон.

“Сар шинэ 2019” нэгдсэн арга хэмжээний хүрээнд алба хаагчдаас иргэн Я-н Самсунг Эс-6 маркын гар утас хулгайлсан, эмийн сангаас 400,000 төгрөг хулгайлсан зэрэг 41 хэрэг, зөрчлийг илрүүлэн ажиллалаа.

Гарсан зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл болон зам тээврийн ослын шинжтэй дуудлага 5 хувиар, амь нас нь хохирсон осол 2 дахин өссөн ба гэмтсэн хүний тоо 40 хувиар тус тус буурсан байна. 

---