Снукер биллиардын "Мастерс-2019" шигшээ 8 тоглолт эхэллээ
Лондон хотноо энэ сарын 13-20 өдрүүдэд дэлхийн шилдэг 16 биллиардчид хоорондоо өрсөлдөх снукер биллиардын хамгийн нэр хүндтэй тэмцээнүүдийн нэг "Мастерс-2019" тун ширүүн өрсөлдөөнтэй явагдаж байна.
Яг одоогийн байдлаар шигшээ 8 тамирчдын эхний тоглолтууд явагдаад байна. Таамаг ёсоор домогт Ронни О Сулливан хагас шигшээд шалгарч үлдээд байгаа юм. Бооцоо тавигчдаас уг тэмцээнд түрүүлэх хамгийн өндөр магадлалтай тамирчнаар Ронни О Сулливан нэрлэгдээд байна.
Дэлхийн чансааны 3-т эрэмбэлэгдэж байгаа Ронни О Сулливан дэлхийн чансааны 13-т эрэмбэлэгдэж байгаа Вэйлсийн Рэйн Дэйтэй тоглож 6:3 харьцаагаар хожиж хагас шигшээд шалгарлаа. Урьд өмнө хоёр тамирчин 7 таарч тоглоход 5 удаад нь Ронни хожоод байсан юм.
Шөвгийн 8-ийн дараагийн тоглолт Ази тивээ төлөөлөн тоглож буй ганц тамирчин болох БНХАУ-ын Дин Жунхуй Белгийн Лука Бреселтэй тоглолоо. Энэхүү тоглолт өгөө аваатай ээлжлэн бие биеээ хожсоор дэлхийн чансааны 8-д эрэмбэлэгдэж буй Дин Жунхуй 6:5 харьцаагаар өрсөлдөгчөө буулган авлаа. Дингийн хувьд хагас шигшээд Роннитой тоглохоор боллоо. Энэ бас л гоё тоглолт болох нь тодорхой. Ронни Дингтэй өмнө нь 19 удаа учраа тааран тоглоход Ронни 12 удаад нь хожиж 3 удаа тэнцэж байсан түүхтэй.
Өнөөдөр та бүхэндээ шөвгийн 8-ийн урьд шөнө явагдсан тоглолтуудыг бүрэн эхээр нь хүргэж байна.
Ронни О Сулливан - Рэйн Дэйтэй хийсэн тоглолтын бүрэн бичлэг:
Дин Жунхуй - Лука Бреселтэй хийсэн тоглолтын бүрэн бичлэг:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.