УИХ-ын гишүүн Д.Муратын гомдлыг хэрэгсэхгүй болгов
УИХ-ын гишүүн Дакайн Мурат нь сэтгүүлч Д.Майцэцэгийг буруутган хууль шүүхийн байгууллагад хандаж гомдол гаргасан ч шүүх хурал хоёр удаа хойшилсон удаатай. Тэгвэл энэ хэргийг өчигдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүх дээр хэлэлцээд УИХ-ын гишүүн Д.Муратын нэхэмжлэлтэй уг хэргийг хэрэгсэхгүй болгон шийдвэрлэжээ. Д.Мурат нь сэтгүүлч Д.Майцэцэгийг нэр төр, хувийн нууцад халдсан гэх үндэслэлээр 2018 оны есдүгээр сард шүүхэд гомдол гаргаад байсан юм.
Уг шүүх хуралд шүүгдэгч Д.Майцэцэгийн өмгөөлөгчөөр Монголын хуульчдийн холбооны гишүүн өмгөөлөгч Г.Батбаяр, н.Дэлгэрмаа нар оролцсон байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.