🔴Ерөнхий сайдын ахлах зөвлөх Ж.Сандагсүрэн: Улс төрд 20 жил зүтгэснийг маань үнэлж уг албан тушаалд томилсон
Ерөнхий сайд Г.Занданшатарын ахлах зөвлөх болон ажлын албаны даргаар НИТХ-ын төлөөлөгч Ж.Сандагсүрэнг томилсон билээ.
Ерөнхий сайдын ахлах зөвлөх Ж.Сандагсүрэн:
- Ерөнхий сайдын Ажлын албаны ахлах зөвлөхийн албан тушаалд томилогдсон. Тус албан тушаал нь төрийн албаны тусгай шалгуур, ажлын байрны тодорхойлолт болон ёс зүйн кодексын дагуу үйл ажиллагаа явуулдаг хариуцлагатай алба.
Уг албан тушаалыг орон тооны дагуу хаших болсонтой холбогдуулан өмнө нь хашиж байсан Нийслэлийн Хөгжлийн корпорацын удирдлага болон бусад Төлөөлөн удирдах зөвлөлийн (ТУЗ) гишүүнчлэлээсээ албан ёсоор чөлөөлөгдсөн байна. Хууль тогтоомжийн дагуу төрийн албан хаагч нь өөр ажил, албан тушаалыг хавсран гүйцэтгэх боломжгүй тул ийнхүү өмнөх ажлуудаа хүлээлгэн өгсөн.
Томилгооны үндэслэлийн тухайд, МАН-ын хүний нөөцийн бодлогын хүрээнд төрийн захиргааны болон гүйцэтгэх удирдлагын түвшинд 20 гаруй жил ажилласан туршлагыг нь харгалзан үзэж уг саналыг тавьсан байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.