Снукер биллиардын ертөнцөд хятад тамирчид хүч түрэн орж ирлээ

Мэргэжлийн снукер биллиардын дэлхийн гранпри тэмцээн түүхэнд тэмдэглэгдэн үлдэх тоглолтуудаар дүүрэн явагдаж өндөрлөлөө. 

Дэлхийн чансааны шилдэг 32 тамирчин өрсөлдсөн тус тэмцээний финалд шинэхэн дэлхийн аварга Жао Шиньтүн болон Жан Анда нар тунаж Жао Шиньтүн 10:6 харьцаатайгаар хожин түрүүллээ. Энэ нь түүний карьерын дөрөв дэх чансааны оноо олгох тэмцээний түрүү болж байна. Жао Шиньтүн дэлхийн гранпри тэмцээнд түрүүлснээр 180,000 фунт стерлинг буюу монгол мөнгөөр 800 орчим сая төгрөгийн шагнал хүртсэн байна.

Түүхэнд тэмдэглэгдэх рекорд ба сонирхолтой статистик

Энэ удаагийн тэмцээн нь снукер биллиардын түүхэнд "Хятадын давамгайлал" гэсэн тодотголтойгоор үлдэхээр боллоо:

• Түүхэнд анх удаа: Чансаа ахиулах тэмцээний хагас шигшээд үлдсэн дөрвөн тамирчин нь бүгд(Жао Шиньтүн, Жан Анда, Сяо Годун, Жоу Юэлун) Хятад улсын тамирчид байв. Энэ нь снукерийн түүхэнд анхны тохиолдол юм.

• Хятад тамирчдын эрэн үе: Шилдэг 16 тамирчны 9 нь, шилдэг 8 тамирчны 6 нь Хятад тамирчид байсан нь мөн л онцлох рекорд юм.

• Аваргын цуврал: Жао Шиньтүн карьертаа чансаа ахиулах тэмцээний финалд 4 удаа үлдэж, 4-үүлэнд нь түрүүлсэн (100%-ийн амжилт) ховор үзүүлэлт болж байна.

Снукер биллиардын сонирхогчдын дунд хүлээлт үүсгэж буй дараагийн тэмцээн бол энэ сарын 17-ны өдөр эхлэх Players Championship тэмцээн юм.