С.Эрдэнэбат: Тэтгэврийн зээл нэмж олгоход банкууд батлан даагчийн өндөр шаардлага тавиад эхэлсэнд ахмадууд бөөн гомдол болж байна

"Тэтгэврийн зээл нэмж олгоход банкууд батлан даагчийн өндөр шаардлага тавиад эхэллээ гээд ахмадууд бөөн гомдол болж байна. Тэтгэврийн батлан даагч нь төр. Хясаж боох биш зээлийн үлдэгдэлтэй ахмадуудад заавал зээлээ хааж шинээр авах биш нэмээд хэдэн сарын зээл олгочих хэрэгтэй" гэж УИХ-ын гишүүн С.Эрдэнэбат хэлж байна.

УИХ-ын гишүүн С.Эрдэнэбат:

-Тэтгэвэрийн зээлийн асуудлаар олон иргэд хүсэлт санал тавьж байна. Хувийн банкуудын зээлийн асуудалд УИХ, ЗГ шууд үүрэг өгөөд шийдүүлчих эрх хэмжээ одоогийн хуулиар хязгаарлагдмал байдаг. Хамгийн сүүлд заавал байлгах нөөцөөс 350 тэрбумыг чөлөөлж, тэтгэвэр зээл эрсдэлийг 50% бууруулж, банкуудад зээл олгох, хугацаа сунгах, хүү бууруулах боломж олгосон.

Тэтгэврийн зээл нэмж олгоход банкууд батлан даагчийн өндөр шаардлага тавиад эхэллээ гээд ахмадууд бөөн гомдол болж байна. Тэтгэврийн батлан даагч нь төр. Ахмадуудын дийлэнх нь ганц биe амьдардаг. Малчин ахмадын батлан даагч нь байнгын орлогогүй малчин хүүхдүүд байхад байнгын орлоготой байх шаардлага тавьж байгаа нь хатуудаж байх шиг. Тэтгэврийн зээл 97 % буцаан төлөлттэй бизнес болон бусад зээлийг бодвол маш сайн эргэн төлөлт юм. Бүх ахмад 36 сараар тэтгэврээ авах гэж байгаа биш. Өвөл идэш, түлээ түлш, өрхийн жижиг аж ахуй гээд цаанадаж сар шинэ болох гээд хэдэн сарын зээл нэмж авах сонирхолтой байна. Хясаж боох биш зээлийн үлдэгдэлтэй ахмадуудад заавал зээлээ хааж шинээр авах биш нэмээд хэдэн сарын зээл олгочих хэрэгтэй. Ахмадын тэтгэвэр, зээл, нийгмийн хамгаалал тусламж үйлчилгээний асуудлаар тууштай явна гэжээ.