Л.Литтлер үзэгчдийг "чимээгүй" болгов

Мэргэжлийн дартсын корпорацаас (PDC) зохион байгуулж буй дартсын дэлхийн аварга шалгаруулах тэмцээний шөвгийн 16-ын тоглолтууд эхэллээ. 

Гуравдугаар тойрогт дэлхийн чансааны 1-т эрэмбэлэгдэж буй шинэхэн дэлхийн аварга Лук Литтлер, 2-т эрэмбэлэгдэж буй 2024 оны дэлхийн аварга Лук Хамприес, 3-т эрэмбэлэгдэж буй дэлхийн гурван удаагийн аварга Майкл ван Гэрвин нар ээлжит учраануудаа ялж шөвгийн 16-д таамгийн дагуу шалгараад байна. 

Дөрөвдүгээр тойргийн нээлтийн тоглолтод Люк Литтлер болон Роб Кросс нарын аваргуудын дуэл тэмцээний хамгийн өндөр түвшний, сэтгэл хөдөлгөм өрсөлдөөнүүдийн нэг боллоо. Өнгөрсөн жилийн хагас шигшээд гарсан шиг аваргуудын дуэлийг дахин үзэж буй үзэгчид хүлээлтээс давсан тоглолт байлаа хэмээн үнэллээ.

Тоглолт 4:2 харьцаатайгаар Люк Литтлерийн ялалтаар өндөрлөсөн бөгөөд дараах үзүүлэлтүүд олныг гайхшnруулав:

• Дундаж оноо: Люк Литтлер дундажаар 106.58-тай шидсэн бол Роб Кросс мөн л 100-аас дээш өндөр үзүүлэлттэй байлаа. Литтлер 3-р сетэд дундаж оноогоо 125 хүртэл өсгөж, гайхалтай формтой байгаагаа харуулсан.

• 180 (Максимум оноо): Литтлер энэ тоглолтод нийт 17 удаа 180 оноо авч, үзэгчдийг суудлаас нь өндөлзүүллээ.

• Өндөр онооноос гарах: Роб Кросс 5-р сетэд 126 онооноос (булл дээр дуусгаж) гарч тоглолтыг үргэлжлүүлсэн бол, Литтлер шийдвэрлэх мөчид 10 сумны "төгсгөл" хийж тоглолтыг дуусгасан байна.

Үзэгчдийн эсэргүүцэл: Танхимд цугласан үзэгчид Роб Кроссыг дэмжиж, Литтлерийг шидэх үеэр "boo" буюу дэмжихгүй байгаагаа илэрхийлэн орилолдож байв.

Литтлерийн хариулт: Тоглолтын дараах ярилцлагадаа тэрээр үзэгчид рүү хандан: "Та бүхэн миний шагналын мөнгийг төлөхийн тулд тасалбар худалдаж авдагт баярлалаа. Миний мөнгийг төлсөнд баярлалаа" хэмээн егөөдлөө.