Есөн жинд есөн өөр улсын бөх түрүүллээ
Жүдо бөхийн Абу Дабыгийн их дуулга тэмцээн тун сонирхолтой өрнөж байна.
Эхний хоёр өдрийн дараах байдлаар есөн жинд есөн өөр орны бөх түрүүлээд байгаа бол Монгол улсын шигшээ багийн хувьд хоёр мөнгөн медаль хүртсэн амжилтаар 52 орноос 10-т эрэмбэлэгдэж байна.
Эхний өдрийн барилдаанд эрэгтэйчүүдийн -60кг жинд дэлхийн аваргын мөнгөн медальт Э.Ариунболд үзүүрлэсэн бол хоёр дахь өдрийн барилдаанд эмэгтэйчүүдийн -63кг жинд дэлхийн аваргын хошой медальт МУГТ Л.Энхрийлэн мөн үзүүрлэлээ. Л.Энхрийлэнгийн хувьд эхний барилдаанд Румыны бөхийг, хэсгийн аваргын төлөө олимпын хүрэл, дэлхийн аваргын хошой хүрэл медальт Косовогийн Фазлиу Лаураг ялж хагас шигшээд шалгарсан юм. Хоёр бөхийн хувьд өмнө нь хоёр удаа учраа таарахад Ф.Лаура хоёр удаа даваад байсан бол энэ удаа Л.Энхрийлэн "хариугаа сайхан авлаа".
Хагас шигшээд Италийн Аванзато Карлоттаг ялж шигшээ барилдаанд тунан үлдлээ. Аваргын алтан медалийн төлөө өнгөрсөн оны Токиогийн их дуулгын мөнгөн медальт Японы Данно Мегутэй тулж үзүүрлэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.