Э.Ариунболд дэлхийн аваргыг цэвэр ялж үзүүрлэлээ

Жүдо бөхийн уламжлалт Абу Дабыгийн их дуулга тэмцээн эхэллээ. 

52 орны 400 орчим шилдэг жүдоч хуран чуулсан Абу Дабыгийн их дуулга тэмцээний эхний өдөр уламжлал ёсоор хөнгөн жингийн барилдаануудаар эхэллээ. Эхний өдөр манай улсаас дэлхийн хошой медальт МУГТ Ё.Басхүү тэргүүтэй найман бөх, АНЭУ-ын нэр дээрээс Б.Хорлоодой, Б.Наранмандах, АНУ-ын нэр дээрээс Э.Билэгт нарын монгол бөхчүүд зодоглолоо. 

Эрэгтэйчүүдийн -60кг жинд хүч үзсэн дэлхийн аваргын мөнгөн медальт ОХУ-ын залуу бөхийг, хоёрдугаар тойрогт Италийн хашир туршлагатай А.Карлиног тус тус ялж хэсгийн аваргын төлөө залуучуудын дэлхийн аваргын хүрэл медальт Туркын Илдиз Салихыг цэвэр ялж хагас шигшээд шалгарсан юм. Хагас шигшээ барилдаанд манай бөх 2024 оны дэлхийн аварга бөгөөд  2023 оны дэлхийн аваргын хүрэл медальт Гүржийн алдарт Жиоржи Сардалашвилиг цэвэр ялж алтан медалийн төлөө барилдах эрхтэй болсон юм. Хоёр бөхийн хувьд анх удаа хоорондоо учраа таарч буй нь энэ юм.

Аваргын алтан медалийн төлөө тус жинг тэргүүлэн барилдсан энэ оны дэлхийн аваргын хүрэл медальт ОХУ-ын А.Блиевт ялагдан мөнгөн медаль хүртлээ.