🔴О.Цогтгэрэл: Х.Булгантуяа дэд даргын асуудлыг хэлэлцэх саналын томьёоллыг харж, бүлэг дахин хуралдана

УИХ дахь Ардчилсан намын бүлэг ээлжит бусаар хуралдаж, Үндсэн хуулийг дээдлэн ажиллах зарчмын байр суурь илэрхийлжээ. УИХ-ын дэд дарга Х.Булгантуяаг гишүүнээс эргүүлэн татах тухай асуудал маргааш нэгдсэн чуулганаар хэлэлцэгдэх төлөвтэй байгаа юм.

УИХ дахь АН-ын бүлгийн дарга О.Цогтгэрэл: 

-АН-ын бүлгийн зүгээс Монгол Улсын Үндсэн хуулийг дээдлэн ажиллах байр суурийг илэрхийлэх, ҮХЦ-ийн 10 дугаар сарын 22-ны өдрийн дүгнэлт, тогтоолыг даган биелүүлэх, хүлээн зөвшөөрөх зарчмын байр суурийг илэрхийлсэн. 

Маргааш байнгын хороогоор ҮХЦ-ийн дүгнэлтийг хэлэлцэх, нэгдсэн чуулганаар дэд даргын асуудлыг ярилцах төлөвтэй. Үндсэн хуулийн зарчмын талд АН-ын бүлэг зогсох болно. Тогтоолын төслийн томьёолол, хэлэлцэх хэлбэрээс хамааран хуулийн үг хэллэгээр хандах болно гэж бүлгийн гишүүд хэллээ.