🔴С.Бямбацогт: УИХ-ын дэд дарга Х.Булгантуяагийн асуудал ямар дэгээр чуулганы хуралдаанд орох нь тодорхойгүй байна
Үндсэн хуулийн цэцийн дүгнэлттэй холбогдуулан Х.Булгантуяг УИХ-ын дэд даргаас чөлөөлөх шийдвэрийг МАН-ын бүлгээс гаргасан. Тус асуудал өнөөдөр чуулганы хуралдаанаар хэлэлцэгдэх ёстой. Энэ асуудлаар ЗГХЭГ-ын дарга С.Бямбацогт мэдээлэл өглөө.
УИХ-ын гишүүн, ЗГХЭГ-ын дарга С.Бямбацогт:
-Үндсэн хуулийн цэцээс гаргасан шийдвэртэй холбоотойгоор УИХ дахь МАН-ын бүлэг өчигдөр хуралдаж, УИХ-ын дэд дарга Х.Булгантуяаг үүрэгт ажлаас нь чөлөөлөх шийдвэр гаргасан. Энэ шийдвэрийг өнөөдөр УИХ-ын чуулганы хуралдаанаар албажуулж, хэрэгжүүлэхээр төлөвлөж байна. Мөн УИХ-ын дэд даргаар МАН-ын бүлгийн дарга асан Ж.Бат-Эрдэнийг томилохоор нэр дэвшүүлж байгаа.
Х.Булгантуяа гишүүнийг Үндсэн хууль зөрчсөн гэж үзсэн ч, гишүүний бүрэн эрхийг нь хэлэлцэх эсэх нь УИХ-ын өөрийн бүрэн эрхийн асуудал. Энэ асуудлыг өнөөдөр УИХ-д яаралтай хэлэлцэх боловч чухам ямар дэгээр явуулах нь тодорхойгүй байна гэлээ.
Сурталчилгаа
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.