🔴С.Ганбаатар: УИХ-ын гишүүнийг гэмт хэрэгт холбогдсон л бол эгүүлэн татах хэрэгтэй
УИХ-ын гишүүн аливаа гэмт хэрэгт холбогдсон даруйд бүрэн эрхээс нь түдгэлзүүлдэг байх талаар УИХ-ын гишүүн С.Ганбаатар Үндсэн хуулийн цэцэд хүсэлт гаргажээ.
УИХ-ын гишүүн С.Ганбаатар:
-УИХ-ын тухай хуульд УИХ-ын гишүүнийг гэмт хэрэгт холбогдуулаад, шалгаж байцаагаад, яллаад яваад байхыг заачихсан. Харин би үүний эсрэг, гэмт хэрэгт холбогдонгуут нь бүрэн эрхээс нь түдгэлзүүлэх хүсэлтийг гаргасан.
Энэ Монголын ард түмэнд ашигтай. Ард түмний сонгосон төлөөлөгч байнга байцаагдаад, хууль хяналтын байгууллага дээр яллагдаад явж байвал хараат бус байдалд нь нөлөөлнө гэсэн үг. Миний санаачилсан зүйл хууль хяналтын байгууллагын толгой дээр хүнээ шургуулчихсан дарангуйлагч, Монголын баялгийг хулгайлсан улс төр, эдийн засгийн том бүлэглэлүүд аюултай. Яагаад гэвэл энэ бүлэглэлүүд УИХ-ын гишүүнийг бүрэн эрхээс нь түдгэлзүүлэхгүйгээр, шүүх, хууль хяналтын байгууллагаар шалгаад, зовоогоод л байвал УИХ дээр ашиг сонирхлын зөрчилтэй шийдвэрүүд их гарна гэв.
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.