Шагналын сан 1.5 тэрбум “Алтан цом”-д оролцох найман баг тойргоор өрсөлдөж байна

Монголын үндэсний бөхийн холбооны 2025–2026 оны улирлын “Алтан цом”-ын барилдаан өнөөдөр 12:30 цагт Монгол бөхийн өргөөнд үргэлжилнэ.

Өнөөдөр М-Си-Эс Энержи багийнхан ОД Групп-ийн багтай барилдана. Мөн АПУ-Скайтел багийнхан Хүлэгү багтай барилдана.

2026 оны дөрөвдүгээр сар хүртэл 6 сарын турш үргэлжлэх "Алтан цом"-ын барилдаан энэ жил олон шинэчлэлттэйгээр эргэн ирсэн. Ээнэ жил чансаа өндөр 64 бөх үндэсний шилдэг компаниудын нэр дээр барилдах юм.

Өндөр чансаагаар тэргүүлсэн 64 бөх үндэсний шилдэг компаниудын нэр дээр 8 багт хуваагдан өрсөлдөнө. Багууд тойргоор барилдах бөгөөд дэвжээн дээр 5 бөх гарч, сэлгээнээс 3 бөх барилдана.

“Алтан Цом”-ын 2022, 2023 оны барилдааны шагналын сан 650 сая төгрөг байсан бол энэ жилийн барилдааны шагналын сан 1,5 тэрбум төгрөг юм.