🔴О.Цогтгэрэл: Ардчилсан намын бүлэг даваа гарагт хуралдаж, ҮХЦ-ийн дүгнэлт, Ерөнхийлөгчийн хоригийг хэлэлцэнэ

Үндсэн хуулийн цэцийн Их суудлын хуралдаанаар УИХ нь Ерөнхий сайд Г.Занданшатарыг огцруулахдаа Үндсэн хуулийн зөрчил үүсгэсэн гэж дүгнэсэн билээ. Энэ талаар УИХ-ын гишүүн О.Цогтгэрэл байр сууриа илэрхийллээ.

УИХ-ын гишүүн, Ардчилсан намын дарга О.Цогтгэрэл:

-Үндсэн хуулийн цэцийн Их суудлын дүгнэлтийг зөв, буруу гэж шүүх эрх бидэнд байхгүй. Энэ асуудал дээр гишүүд ихээр тайлбар хийж байна. Чуулганаар Их суудлын дүгнэлтийг шууд биелүүлэх л үүрэгтэй.

Чуулганы хуралдаан болоод магадгүй дараа нь УИХ-ын даргын дэргэдэх зөвлөл хуралдаж, тов дараалалтайгаар асуудлуудыг хэлэлцэнэ. Тэрний дараа мэдээлэл өгсөн нь зөв байх. Ардчилсан намын бүлэг ирэх даваа гарагт хуралдаж, ҮХЦ-ийн дүгнэлт болон Ерөнхийлөгчийн хоригтой холбоотой асуудлуудыг хэлэлцэнэ гэв.