🔴Д.Амарбаясгалан: Чуулганы ирц бүрдүүлэхгүй бойкот хийж байгаа гишүүд үндсэн хуулийн зөрчил үүсгэсэн асуудалд орно

Ерөнхий сайд Г.Занданшатар, УИХ-ын дарга Д.Амарбаясгаланг огцруулах асуудлыг УИХ-ын чуулганаар хэлэлцэж эхлээгүй байна. Учир нь гишүүд хуралдаа орж ирэхгүй байгаа бөгөөд чуулганы ирц 47.6 хувьтай байна.

УИХ-ын дарга Д.Амарбаясгалан:

-Ерөнхийлөгчийн айлчлалын бүрэлдэхүүнд явсан зарим гишүүд ирж чуулганы хуралдааны ирцэд орсон байна. Гишүүдэд ирж байгаа дарамттай холбоотой баримт байна. УИХ-ын гишүүд дарамт шахалтгүй бол чуулганд орж ирэхгүй байх ямар ч шалтгаан байхгүй. Дарамт, нээнтэг, нөлөөнд орсон учраас орж ирэхгүй байна гэж үзэж байна.

УИХ-ын гишүүд санал гуйж явахдаа иргэдийн өмнө очдог шигээ өнөөдөр төрийн ажлыг явуулахдаа тэр хандлага ухамсраараа асуудалд хандмаар байна. Дөнгөж төрсөн М.Нарантуяа-Нара гишүүн хүртэл чуулганы ирцдээ бүртгүүлж байгааг бусад гишүүд харах хэрэгтэй. Шөнөжин хүлээгээд ч хамаагүй өнөөдөр хуралдана. Гишүүд унтаад босоод ирсэн ч чуулган хүлээж байна. Чуулганы ирц бүрдүүлэхгүй бойкот хийгээд хуралдах нөхцөл бүрдүүлээгүй Засгийн газар, чуулганы хуралдаанд оролцоогүй гишүүд үндсэн хуулийн зөрчил үүсгэсэн асуудалд орно. УИХ тарах нөхцөл бүрдээгүй ч тараах сонирхол байхыг үгүйсгэхгүй. Чуулганы танхимд орж ирж нээлттэй ярьж чадахгүй байх шалтгаан байна гэж ойлголоо гэлээ.