Дотоодын цэргийн хамгаалалттай бүсэд очиж мансуурахыг завдсан этгээдүүдийг саатуулжээ
Хан-Уул дүүргийн нутаг дахь, Цөмийн энергийн комиссын харьяа Изотоп конторын орчимд хүмүүс мансууруулах бодис хэрэглэж байгаа тухай мэдээллийн дагуу тус дүүргийн Цагдаагийн газрын II хэлтсийн ажилтнууд очиж, саатуулан шалгаж байна.
Дотоодын цэргийн байнгын хамгаалалттай дээрх бүс рүү “Тоёота приус” загварын автомашин хөлөглөсөн 34-35 настай хоёр бүсгүй, нэг залуугийн хамтаар очиж, тусгай зориулалтын сав бэлтгэн дээрх бодисыг тээврийн хэрэгсэл дотроо хэрэглэж байсан гэнэ. Өдгөө тус хэлтсийнхэн үргэлжлүүлэн шалгаж, бодисынх нь дээжийг шинжилгээний байгууллагад хүргүүлэн дүгнэлт гаргуулахаар болоод буй аж.
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.