🔴УИХ-ын гишүүн С.Ганбаатар: АТГ-ын 24 байцаагч улс төрийн захиалгат аллага хийж байна

"Намайг У.Хүрэлсүхийн даалгавраар АТГ-ын 24 байцаагч өдөр, шөнөгүй шалгаж байгаа. Авлигатай тэмцэх газар улс төрийн захиалгат аллагын байгууллага болсон. АТГ мөрдөн байцаалтын хуулиа уландаа гишгэж мэдээллээ гүтгэж тарааж байгаа" гэж УИХ-ын гишүүн С.Ганбаатар хэлэв.

УИХ-ын гишүүн С.Ганбаатар: 

-Би нэг л гэм буруутай. Би ерөнхийлөгч У.Хүрэлсүхийн эсрэг үг хэлсэн. Би дуугүй байж чадаагүй. Энэ нь миний буруу. Монголын үйлдвэрчний холбоог удирдаж байсан асуудлыг л тэд хөндөж байгаа.

Намайг У.Хүрэлсүхийн даалгавраар АТГ-ын 24 байцаагч өдөр, шөнөгүй шалгаж байгаа. АТГ улс төрийн захиалгат аллагын байгууллага болсон байна. Тэд шалгаад юу олсон бэ гэхээр С.Ганбаатар энэ хориод жил зүтгэхдээ улсаас юу ч идээгүйн байна. Тендер, хөрс хуулалт, албан тушаалын асуудал юу ч байхгүй гэдгийг тодорхойлсон. Харин одоо газрын хулгай байж магадгүй гэж байгаа. АТГ мөрдөн байцаалтын хуулиа уландаа гишгэж мэдээллээ гүтгэж тарааж байгаа. Намайг үйлдвэрчийн эвлэлийг 2007-2013 оны хооронд удирдаж байхад МҮЭСТО-ны газар дээр нэг зөвшөөрөл өгч, барилга баригдаагүй. Үйлдвэрчний эвлэлийн газар Улаанбаатар хотын эзэмшилд байдаг гэв.