УИХ-ын гишүүн Х.Тэмүүжинтэй хамт ХЗЯ, ГИХГ-т ажиллаж байсан хүмүүсийг шалгаж байна
Ардчилсан намын жагсаалтын есдүгээрт нэр нь бичигдэж, УИХ-ын гишүүнээр гурав дахь удаагаа ажиллаж буй Х.Тэмүүжинг албан тушаалаа урвуулсан, бусдад давуу байдал олгосон байж болзошгүй хэрэгт холбогдуулан шалгаж байна.
Үүнтэй холбоотойгоор өнгөрсөн долоо хоногт хоёр ч хүнийг саатуулсан гэнэ. Бидэнд олдсон мэдээллээр Х.Тэмүүжинг 2012-2014 онд УИХ, Засгийн газрын гишүүн, Хууль зүйн сайдаар ажиллаж байхад нь ХЗЯ-нд Санхүү, хөрөнгө оруулалтын хэлтсийн даргаар ажиллаж байсан С.Мөнхбат, тухайн үед Гадаадын иргэн, харьяатын газрын дэд дарга байсан Б.Цолмон нарыг холбогдуулсан аж. Тэднийг 2012-2014 оны үед цагдаагийн байгууллага, тэр дундаа замын цагдаагийнханд олгосон бэлэн бус торгуулийн систем зэргийг хэрэгжүүлэхдээ албан тушаалаа ашиглаж бусдад давуу байдал олгосон, мөнгө угаасан байж болзошгүй хэмээн буруутгаж буй сурагтай.
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.