БНСУ-ын алдарт ютүбер бүсгүй Хоргын тогоонд унаж, амиа алджээ
Архангай аймгийн Тариат суманд орших Хоргын тогоо руу БНСУ-ын иргэн ютүбер бүсгүй унаж, амиа алдсан харамсалтай хэрэг гарчээ.
Энэ талаар Цагдаагийн байгууллагаас тодруулахад "Архангай аймгийн Тариат сумын нутаг дахь Хоргын тогоо руу БНСУ-ын иргэн унаж нас барсан гэх дуудлага мэдээлэл цагдаагийн байгууллагад наймдугаар сарын 28-ны өдөр бүртгэгдсэн. Талийгаач манай улсад аялал жуулчлалын шугамаар энэ оны наймдугаар сарын 20-ны өдөр ирсэн байна. Шалгалтын ажиллагааг Архангай аймгийн цагдаагийн газар үргэлжлүүлэн шалгаж байна" гэлээ.
Талийгаач бүсгүй 20 гаруй настай, аяллын ютүбер байжээ. Зураг авч байх үед нь гэнэт хүчтэй салхи шуурсны улмаас тэнцвэрээ алдаж, Хоргын тогоо руу унаж амиа алдсан байна.
Сэтгэгдэл (12)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.