Хоёр автомашин мөргөлдөж нэг иргэн гэмтжээ
Сонгинохайрхан дүүрэгт хоёр автомашин мөргөлдөж нэг иргэн гэмтсэн осол гарчээ.
Тодруулбал, Улаанбаатар хот, Сонгинохайрхан дүүрэг 21 дүгээр хороо автозамын зорчих хэсэгт "Хоёр автомашин мөргөлдөж автомашины төмөр эд ангид нэг иргэн хавчуулагдсан" гэх дуудлага 08.28-ны өдрийн 09:18 цагт хүлээн авчээ.
Дуудлагын дагуу Нийслэлийн Аврах ангийн алба хаагчдыг очиход иргэн С-ийн “Hijet” загварын автомашин, иргэн Б-ын “Porter” загварын автомашинтай мөргөлдөж “Hijet” загварын автомашины жолооч иргэн С /31 настай, эрэгтэй/ нь автомашиныхаа жолооны хүрдэнд хавчуулагдан гэмтсэн байжээ. Тус иргэнийг “Вибер батарей ажиллагаат тэлэгч” багаж ашиглан гаргаж эмнэлгийн анхан шатны тусламж үзүүлж ГССҮТ-д хүргэж өгчээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.