Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардуулан өглөө. 

Монгол Улсын гавьяат тамирчин Т.Санчир:

-Ээж минь хамт байгаад, гавьяат болохыг минь харсан бол надаас илүү баярлах байсан байх.

Монголын сагсан бөмбөгийн холбооны үе үеийн удирдлагууддаа баярлалаа. Мөр зэрэгцэн шигшээ баг, үндэсний лигт тоглож байгаа тамирчдадаа, ах, дүү, хөгжөөн дэмжигч нартаа баярлалаа гэж хэлэхийг хүсэж байна.

Сагсан бөмбөг багийн спорт олон хүний хүч хөдөлмөр байдаг. Миний хувьд монголынхоо сагсан бөмбөгийн хөгжилд өөрийн чадах зүйлээрээ хувь нэмрээ оруулаад явна гэж бодож байна гэв. 

---