Галд өртөж амиа алдсан гурван охин 2, 4, 5 настай байжээ
Төв аймгийн Жаргалант суманд нэг айлын гурван бяцхан охин гэртэйгээ шатаж амиа алдсан харамсалтай хэрэг гарсан талаар мэдээлсэн. Талийгаач хүүхдүүд 2, 4, 5 настай байжээ.
Энэ талаар Онцгой байдлын ерөнхий газраас өгсөн мэдээллээр "Төв аймгийн Жаргалант сумын Өгөөмөр багт "Байшин шатаж, хажуугийн байшин луу тархан шатаж байна" гэсэн дуудлагыг 04 дүгээр сарын 21-ний өдрийн 15:25 цагт хүлээн авсан. Сэлэнгэ аймгийн Онцгой байдлын газрын Баянгол сум дахь 40 дүгээр ангийн алба хаагчдыг очиход иргэн Б-гийн 7х8 метрийн хэмжээтэй байшин шатаж байсныг ажиллаж унтраасан. Уг гал түймэрт Э /5 настай, эмэгтэй/, Б /4 настай, эмэгтэй/, Г /2 настай, эмэгтэй/ нар өртөж нас барсан байна" гэжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.