Боловсролын сайд П.Наранбаярыг УИХ-ын гишүүн Б.Найдалаа зоджээ
УИХ-ын гишүүн, ХҮН намын Удирдах зөвлөлийн гишүүд болох П.Наранбаяр, Б.Найдалаа нар Төрийн ордонд зодолдсон, Боловсролын сайд гэмтэл авч эмнэлэг болон шүүх эмнэлгийн тусламж аван, одоогоор гэртээ эмчлүүлж байгаа тухай хэвлэл мэдээллээр мэдээлж байгаа. Энэ талаар цагдаагийн байгууллагаас тодрууллаа.
"Монгол Улсын төрийн ордонд боловсролын сайдыг УИХ-ын гишүүн цохиж, биед нь хохирол учруулсан гэх мэдээллийг 2025 оны 03 дугаар сарын 28-ны өдөр 15.00 цагийн орчимд хүлээн авч бүртгэлд оруулан, биед учирсан хохирлыг тогтоох бусад нотолбол зохих байдлыг тогтоохоор шалгалтын ажиллагааг үргэлжлүүлж байна" хэмээн мэдээллээ.
Эх сурвалжийн мэдээллээр, Боловсролын сайд П.Наранбаярын биеийн байдал гайгүй, гэрээр эмчилгээ хийлгэж байгаа гэв. Харин тэрбээр өнөөдрийн УИХ-ын чуулган дээр ийм байдалтай сууж байв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.