СПОРТ
ХӨГЖИМ
™ watch
Улс төр | 2025-03-14

АН-ын удирдлагууд, гишүүд Чингис хааны алтан хөшөө, их цагаан туганд хүндэтгэл үзүүллээ

Нийтэлсэн
1 сарын өмнө


Сурталчилгаа
Нийтэлсэн:   Н.Түвшин
1 сарын өмнө

Хаврын тэргүүн сарын шинийн 15-ны билигт сайн өдөр Ардчилсан Намын удирдлагууд болон гишүүд Их Эзэн Чингис хааны сүр сүлдийг оршоосон алтан хөшөө, шүтээн их цагаан туг, төрийн хас буу тамганд хүндэтгэл үзүүллээ. 

Хүндэтгэлийн ёслолд АН-ын Ерөнхий нарийн бичгийн дарга Н.Ганибал, УИХ-ын дэд дарга УИХ-ын гишүүн Б.Пүрэвдорж, Аж үйлдвэр, эрдэс баялгийн сайд Ц.Туваан, Байгаль орчин уур амьсгалын өөрчлөлтийн сайд С.Одонтуяа, УИХ-ын гишүүн Г.Хосбаяр, Х.Тэмүүжин,  С.Эрдэнэболд, Б.Бейсен,  Ц.Мөнхбат, О.Амгаланбаатар, Г.Очирбат, Д.Батбаяр болон Ардчилсан Ахмадын холбоо, Ардчилсан Эмэгтэйчүүдийн Холбооны гишүүд, дэмжигчид тус тус оролцлоо.

Хүндэтгэлийн ёслолыг нээж АН-ын Ерөнхий нарийн бичгийн дарга Н.Ганибал “Цагаан морин жилийн хувьсгалаар Ардчилал ялж бид Их Эзэн Чингис хааны түүхээр бахархах, түүний бүтээсэн үйл хэрэг, үнэ цэн, үнэт зүйлсийг ард түмэндээ болоод дэлхий дахинд таниулж эхэлсэн түүхтэй. Их эзэн Чингис хааны үйл хэргийг үргэлжид санан дурсаж, түүхийн үнэ цэнийг цогцлоон ирээдүй хойч үедээ уламжлан, үндэсний бахархлыг бадраах үүргийг Ардчилсан Нам ухамсартайгаар биелүүлэх болно” хэмээв. 

Нүүдэлчдийн өв соёл, язгуур уламжлалыг орчин цагийн шинжлэх ухаантай уялдуулан олноо таниулах үнэт зүйлсийг тээсэн, үйл хэргийг дэлгэрүүлсэн танхимуудыг нээж ажиллуулах нь зүйтэй. ЕБС-ийн сурагчид эдгээр өргөөгөөр ороод аялан суралцах явцдаа Чингисийн билиг сургаал, Их эзэнт гүрний өвийн тухай судалж тэдгээр нь орчин үед яаж дөрөө харшуулан нийцэж буйг мэддэг байгаасай хэмээн энэ санаачилгыг гаргаж байна хэмээн хэмээн УИХ-ын гишүүн Х.Тэмүүжин танилцууллаа. 

Энэхүү есөн танхим байгуулах санаачилгыг УИХ-ын гишүүн С.Эрдэнэболд уйгур бичгээр хөрвүүлэн буулгаснаа уншин танилцуулж Монгол Улсын Их Хурлыг төлөөлж УИХ-ын дэд дарга УИХ-ын гишүүн Б.Пүрэвдоржид, Монгол Улсын Засгийн газрыг төлөөлж Засгийн газрын гишүүн Аж үйлдвэр, эрдэс баялгийн сайд Ц.Туваан нарт өргөн барилаа. 

 

Сурталчилгаа


Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Цээнээ
1 сарын өмнө
116.206.83.106

Хөөрхийс, АН-ынхан Чингис хаанд биш алтанд нь мөргөж, сэтгэлээ баясгах гэж очсон байх л даа.

АРД
1 сарын өмнө
116.206.83.106

АН НАМ ЧИНГИСИЙГ ХҮНДЭТГЭЖ ТАЛБАЙГАА ХҮРТЭЛ ЧИНГИСХААНЫ ТАЛБАЙ ГЭЖ НЭРЛЭСЭН. ХАРИН МАН ЧИНГИСТ ДУРГҮЙ ЦУСТ АЛУУРЧИН ГЭЖ НЭГ ДҮДЭЭР ҮЗДЭГГҮЙ БАЙСНАА ГЭНЭТ УХААРСАН УУ АШИГ ХАРСАН УУ ЧИНГИС ЧИНГИС ГЭЭД БАЙДАГ БОЛЖ

АРД
1 сарын өмнө
116.206.83.106

АН НАМ ЧИНГИСИЙГ ХҮНДЭТГЭЖ ТАЛБАЙГАА ХҮРТЭЛ ЧИНГИСХААНЫ ТАЛБАЙ ГЭЖ НЭРЛЭСЭН. ХАРИН МАН ЧИНГИСТ ДУРГҮЙ ЦУСТ АЛУУРЧИН ГЭЖ НЭГ ДҮДЭЭР ҮЗДЭГГҮЙ БАЙСНАА ГЭНЭТ УХААРСАН УУ АШИГ ХАРСАН УУ ЧИНГИС ЧИНГИС ГЭЭД БАЙДАГ БОЛЖ

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.