О.Хүслэнгийн өнөөдрийн өрсөлдөгчдийг шинжихүй

"Парис 2024" олимпын их наадмын жүдо бөхийн төрөл зургаа дахь өдрөө үргэлжлэн явагдаж байна. 

Өнөөдөр /8.1/ хуваарь ёсоор эрэгтэйчүүдийн -100кг, эмэгтэйчүүдийн -78кг жингийн барилдаанууд явагдах ба манай улсаас 2023 оны Улаанбаатарын их дуулгын аварга Б.Гончигсүрэн, Ази тивийн аваргын хүрэл медальт залуу тамирчин О.Хүслэн нар хүч үзнэ.

Б.Гончигсүрэнгийн хүч үзэх эрэгтэйчүүдийн -100кг жинд өрсөлдөх шилдэг бөхчүүдийг танилцуулгыг ЭНД дарж үзнэ үү. 

Харин одоо эмэгтэйчүүдийн -78кг жинд өрсөлдөх шилдгүүдийг танилцуулж байна. 

А хэсгийг дэлхийн аваргын мөнгө, хүрэл медальт Италийн А.Белланди

В хэсгийг дэлхийн аваргын мөнгөн медальт БНХАУ-ын Ма Зензао

С хэсгийг олимпын хүрэл, дэлхийн аваргын хошой аварга Германы Вагнер Анна Мариа

D хэсгийг 2023 оны дэлхийн аварга Израилын И.Ланир нар тус тус тэргүүлэн барилдана. 

Эхнийхээ олимпод хүч үзэж буй манай залуу /19 нас/ бөх О.Хүслэнгийн хувьд эхний тойрогт Пан Америкийн хошой аварга Экуадорын хашир туршлагатай /34 нас/ Ч.Ванессатай оноолт таарсан байна. Хоёр бөхийн ялсан нь D хэсгийн тэргүүн бөх Израилын И.Ланир аваргатай тулна. 

Энэ жингийн хувьд Токио 2020 олимпын наадмын аварга Японы Шори Хамада оролцоогүй тул шинэ аварга төрнө. Харин тус олимпын мөнгөн медальт Францын М.Маделеине В хэсгийн хүчтэй өрсөлдөгч байх болов уу. Харин дөрөв дэх олимпдоо хүч үзэж буй олимпын гурван удаагийн хүрэл медальт Бразилын А.Маяра А хэсэгт эхний барилдаанаа шууд тус жинг тэргүүлж буй Италийн А.Белландитай хийнэ.