Аваргуудын дуэлд Ж.Трамп түрүүллээ

Мэргэжлийн снукер биллиардын Шанхай Мастер тэмцээнд Жадд Трамп анх удаа түрүүллээ. 

Ж.Трампын хувьд өмнө нь Шанхай Мастер тэмцээнд гурван ч удаа шигшээ тоглолтод өрсөлдөж байсан талаар бид өмнө нь мэдээлсэн. 2012 онд Жон Хиггинст, 2015 онд Кайрен Уилсонд хожигдохдоо аль аль тоглолтод 10:9 харьцаагаар буюу тун харамсалтайгаар хожигдож байсан түүхтэй. Харин тэрээр энэ удаад Шон Мөрфиг 11:5 харьцаагаар хожиж анхны түрүүгээ хүртлээ. 

Хагас шигшээд Ронни аваргыг буулган авснаар Трамп өөрийн ялалтын замыг шулуутгасан гэж болно. Тэрээр тэмцээний туршид нийт 10 удаа дараалсан цохилтоор 100-аас дээш оноог авч 210.000 фунт стерлинг буюу монгол мөнгөөр ойролцоогоор нэг тэрбум төгрөгийн шагнал хүртсэн юм. 

Ж.Трамп: "Хагас шигшээд Роннид тоглох, олон дараалсан хожигдлынхоо дараа түүнийг хожих нь үнэхээр онцгой байлаа. Би энэ улиралд аль болох олон томоохон тэмцээнд түрүүлэхийг хүсэж байна." хэмээн мэдэгдлээ.