Нийтийн эзэмшлийн газарт бие зассан гадаадын иргэдийн үйлдлийг шүүхээр шийдвэрлэнэ
Гадаад улсын иргэд олон нийтийн газарт биеэ зүй бусаар авч явсан хэрэг өнгөрөгч амралтын өдөр гарсан.
Тодруулбал, энэ сарын 10-ны өдрийн 21:00 цагийн орчим Чингэлтэй дүүргийн 1 дүгээр хорооны нутаг дэвсгэр буюу Цахим хөгжлийн яамны зүүн талд гурван эрэгтэй олон нийтийн гудамж, талбайд бие засаж байгаа бичлэг олон нийтийн цахим сүлжээнд нийтлэгдсэн. Тус мэдээллийн дагуу Чингэлтэй дүүргийн цагдаагийн газраас уг асуудлыг гомдол, мэдээллийн бүртгэлд авч, шалгалтын ажиллагааг эхлүүлээд байсан. Тэгвэл дээрх иргэдэд цагдаагийн байгууллагаас арга хэмжээ авчээ.
Тэднийг Зөрчлийн тухай хуулийн 5.1 дүгээр зүйлд зааснаар 10 нэгжээр, төрийн алба хаагчийн хууль ёсны шаардлагыг хүч хэрэглэхгүйгээр эсэргүүцсэн үйлдэлд 250 нэгжээр тус тус торгож, олон нийтийг үл хүндэтгэж, биеэ авч явах нийтээр зөвшөөрөгдсөн хэм хэмжээг зөрчсөн үйлдлийг нь Зөрчлийн тухай хуулийн 5.2 дугаар зүйлд зааснаар өнөөдөр шүүхээр шийдвэрлүүлэхээр ажиллаж байгаа гэж цагдаагийн байгууллагаас мэдэгдлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.