Улаанбаатар хот, Чингэлтэй дүүргийн 21 дүгээр хорооны “Булаг”-ийн 19 дүгээр гудамжинд "Байшин шатаж байна" гэсэн дуудлага гуравдугаар сарын 18-ны өдрийн 16:35 цагт Онцгой байдлын байгууллагад иржээ.

Дуудлагын дагуу Гал түймэр унтраах, аврах 10 дугаар ангийн алба хаагчдыг очиход иргэн Т-ны 9х4 метрийн хэмжээтэй байшин шатаж байсныг унтраасан байна. 

Тус гал түймэрт иргэн М /3 настай, эрэгтэй/ өртөж нас барсан байсан тул цогцсыг Чингэлтэй дүүргийн Цагдаагийн хоёрдугаар хэлтсийн жижүүрийн бүрэлдэхүүнд, иргэн Т /29 настай, эрэгтэй/-ы нурууны хэсэг түлэгдсэн байсныг Нийслэлийн яаралтай тусламжийн тасагт тус тус шилжүүлж өгчээ.

---