“S-Оutlet” дэлгүүрийн агуулахыг нураана

Голын голдирол хаасан "Шунхлай" шатахуун түгээх станцын барилгыг өнөөдөр нурааж байна. Энэ үеэр Нийслэлийн Засаг даргын нэгдүгээр орлогч П.Сайнзориг хэвлэлийнхэнд мэдээлэл өгөхдөө, “S-Оutlet” дэлгүүрийн агуулахыг ирэх долоо хоногийн даваа гарагаас нураах ажлыг эхлүүлнэ гэсэн юм.

Нийслэлийн Засаг даргын нэгдүгээр орлогч П.Сайнзориг "S-Оutlet” дэлгүүрийг нураах шийдвэр гарсан. Газрын эзэдтэй газрыг чөлөөлөх асуудлаар ярилцаж тохирсон. Дэлгүүрийн захирлын хэлснээр эхний ээлжид нураах агуулахын барилгад бараа бүтээгдэхүүн байгаа учраас амралтын өдрүүдэд бараагаа зөөнө гэсэн байгаа. “S-Оutlet” нь ажлын байр бий болгогч, татвар төлөгч учраас шинэ байршил, бусад объект шилжүүлэн барих асуудалд хотын зүгээс харилцан ойлголцож, шийдэлд хүрсэн” гэв.

“S-Оutlet” дэлгүүрийн газрыг чөлөөлсөнөөр авто замын нэвтрэх чадвар сайжирна гэж үзэж буй юм.