Салхин цэцэг нь цочмог, системжсэн ихэвчлэн 13-с доош насны хүүхдэд varicella zoster вирусээр агаар дуслын замаар хүнээс хүнд халдварладаг халдварт өвчин юм.
Одоогийн байдлаар Халдвар судлалын үндэсний төвд 40 хүн хэвтэн эмчлүүлж байгаагийн дийлэнх нь 0-5 настай хүүхдүүд байна.
Өвчний эхэн үед илрэх шинж тэмдэг:

• Толгой өвдөх
• Ядарч сульдах
• Хоолонд дургүй болох
• Гэдэс өвдөх (1-2 өдөр)

Өвчний ид үед илрэх шинж тэмдэг:

• Арьс загатнах
• Толбот, гүвдрүүт, цэврүүт тууралт гарах
• 38-39 хэм халуурах
• Амны хөндийд шарх гарах

Таны хүүхдэд болон танд эдгээр шинж тэмдэг илэрвэл яаралтай өөрийгөө тусгаарлаж эмчид хандаарай. 
Урьдчилан сэргийлэх арга:

• Амны хаалт зүүх
• Дархлаагаа дэмжих
• Чийгтэй цэвэрлэгээг хийх
• Агааржуулалт хийх
• Бага насны хүүхдийг олон нийтийн газраар дагуулж явахгүй байх
• Өглөө, орой амны хөндий, хоолойг уусмалаар зайлах
• Вакцинд хамрагдах

---