Чипс, бэлэн гоймон хулгайлсан этгээдэд 1.1 жилийн хорих ял өгчээ
Дорноговь аймгийн Замын-Үүд сумын хүнсний агуулахад хулгай орсон тухай дуудлага, мэдээлэл цагдаагийн байгууллагад өнгөрсөн хоёрдугаар сарын 7-ны өдөр бүртгэгджээ.
Цагдаагийн байгууллагаас тус хэрэгт шалгалтын ажиллагаа явуулж, хүнсний агуулахаас чипс, бэлэн гоймон зэрэг бараа алга болсныг тогтоосон байна. Тодруулбал, бараа хадгалах зориулалттай агуулахын цоожийг эвдэж, бэлэн гоймон, чипс, зайдас зэрэг 383 500 төгрөгийн үнэ бүхий эд зүйлийг хулгайлсан нь тогтоогджээ.
Цагдаагийн байгууллагаас уг хэргийг шалгаж дуусаад, шүүхэд шилжүүлжээ. Тэгвэл тус хэргийн шүүх хурал энэ сарын 13-нд болж, хулгай хийсэн этгээдэд 1.1 жилийн хорих ял оноосон байна.
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.