Жорж Бушийн оршуулгыг үндэсний эмгэнэлийн өдөр болгох уу?
АНУ-ын 41 дэх Ерөнхийлөгч Жорж Херберт Уолкер Буш 11 дүгээр сарын 30-ны өдөр 94 насандаа өвчний улмаас таалал төгссөн. Энэ долоо хоногийн лхагва гарагт буюу 12 дугаар сарын тавны өдөр Жорж Бушийн оршуулга болох юм.
Уг оршуулгын өдрийг Үндэсний эмгэнэлийн өдөр болгох эсэх тал дээр эрх баригчид санал зөрөлдөөд байна. АНУ-ын дээд шатны шүүх энэ талаар хэлэлцэх ёстой ч хэлэлцүүлгийн товыг хойшлуулаад байгаа юм.
Ерөнхийлөгч Дональд Трамп, тэргүүн хатагтай Меланиа болон Бушийн хүү АНУ-ын 43 дахь Ерөнхийлөгч асан Жорж гэр бүлийн хамт, тус улсын анхны өнгөт арьст төрийн тэргүүн асан Барак Обама нар лхагва гарагийн 11 цагт Вашингтон Үндэсний сүм дуганд болох оршуулганд оролцохоо мэдэгдсэн.
Түүнчлэн нэр хүндтэй олон эрхэм эцэг Бушийн оршуулганд оролцоно гэдгээ илэрхийлжээ. Тэрээр Паркинсоны эмгэгээр олон жил өвдөж 2012 оноос хойш тэргэнцэрт суугаад байсан. 1989-1993 оны хооронд АНУ-ын төрийн тэргүүнээр ажиллаж байсан нэр хүндтэй эрхэм Техасын Хьюстон хот дахь гэртээ амгалан нойрссон юм.
Эх сурвалж: www.thehill.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.