Жүдо бөхийн оны шилдэгт нэр дэвшигчдийг танилцуулж байна /эрэгтэй/

Олон улсын жүдо бөхийн холбооноос /IJF/ 2022 оны шилдэг эрэгтэй, эмэгтэй жүдочдыг жүдо сонирхогчдын санал асуулгаар тодруулна. 

2022 оны шилдэгт эрэгтэй, эмэгтэй тус бүр таван бөхийг санал болгож байгаа ба санал хураалтыг энэ сарын 31-ныг хүртэл awards.ijf.org цахим хаягаар явуулах юм. Харин санал хураалтын дүнг хоёрдугаар сарын 4-5-ны өдрүүдэд Франц улсад зохион байгуулагдах Парисын их дуулга тэмцээний үеэр нийтэд зарлах талаар олон улсын жүдо бөхийн холбоноос мэдээллээ. Ингээд шилдэг нэр дэвшигчдийг танилцуулж байна. 

Эрэгтэй: /2022 онд үзүүлсэн амжилтууд/ 

• МУГТ Ц.Цогтбаатар /73кг/: ДАШТ-ий алт, Улаанбаатарын их дуулга тэмцээний мөнгө, Парсиын их дуулга тэмцээний хүрэл медаль. 

МУГТ Ц.Цогтбаатар

• Гүржийн Тато Григалашвили /81кг/: ДАШТ-ий алт, Мастерс алт, Тбилис, Парисын их дуулга мөнгө, Европын аварга шалгаруулах тэмцээний алт, Загребийн гран при тэмцээний хүрэл медаль

Тато Григалашвили /Гүрж/

• Кубын Энди Гранда /+100кг/: ДАШТ-ий алт, ПанАмерикийн алт, Анталягийн их дуулга хүрэл, Обервартын европын нээлттэй тэмцээний хүрэл медаль

Энди Гранда /Куба/

• Узбекистаны Давлат Бобонов /-90кг/: ДАШТ-ий алт, Улаанбаатарын их дуулгын мөнгө, Парисын их дуулгын хүрэл, Исламын орнуудын армийн наадмын хүрэл медаль

Давлат Бобонов /Узбекистан/

• Японы Абе Хифүми /-66кг/: ДАШТ-ий алт, Унгарын их дуулга тэмцээний алтан медаль

Абе Хифүми /Япон/