СПОРТ
ХӨГЖИМ
™ watch

БИЧЛЭГ: "iPhone" гар утасны үйлдвэрийн ажилтнууд цагдаа нартай мөргөлджээ

Нийтэлсэн
1 жилийн өмнө


Сурталчилгаа
Нийтэлсэн:   О.Тэргэл
1 жилийн өмнө

Хятадын Жөнжоу хотод байрлах "iPhone" гар утасны угсрах үйлдвэрийн ажилтнууд коронавирусийн хязгаарлалтуудыг эсэргүүцэн жагсаж, цагдаа нартай мөргөлджээ.

Олон нийтийн сүлжээгээр тархсан бичлэгүүдээс харахад, хэдэн зуун ажилчин жагсаж, барилгын цонхнуудыг хагалж, хяналтын камеруудыг эвдсэн бөгөөд улмаар хамгаалалтын хувцас өмссөн албаныхан болон цагдаа нартай мөргөлдсөн байна. Энэ үеэр олон ажилтан цагдаа нарт зодуулж, гэмтэж бэртсэн гэж хэргийн газарт байсан гэрчүүд хэлжээ.

"Apple" компанийн үндсэн туслан гүйцэтгэгч "Foxconn" цаашид ийм төрлийн хүчирхийллээс урьдчилан сэргийлэхийн тулд Жөнжоу дэх үйлдвэрийн ажилтнууд болон орон нутгийн засаг захиргаатай хамтран ажиллана гэж мэдэгджээ. Тус компанийн мэдээлснээр, зарим ажилтан цалин, урамшууллын асуудлын улмаас жагссан ч "Foxconn"-ы зүгээс гэрээнийхээ дагуу цалингаа цагт нь тавина гэсэн юм. байна.

Жөнжоу хотод коронавирусийн халдвар өргөн тархсаны улмаас өнгөрсөн сард тус үйлдвэрт хөл хорио тогтоох үеэр зарим ажилтан үүнийг эсэргүүцэн, гэртээ харьсан билээ. Иймээс "Foxconn" шинэ ажилтнуудад том урамшуулал амлан ажилд авсан юм.

Гэвч эсэргүүцлийн жагсаалд оролцсон нэг ажилтан "Тэд бидэнд амласан ёсоороо урамшуулал өгөхгүйн тулд гэрээгээ өөрчилсөн. Мөн дээрээс нь биднийг хөл хорионд оруулсан ч хоол хүнсээр хангахгүй байна" хэмээжээ.

Эх сурвалж: BBC

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.