Н.Робертсон зургаа дараалан М.Селби аваргыг хожиж байна
Энэ өдрүүдэд мэргэжлийн снукер биллиард сонирхогчдын анхаарлын төвд буй "2022 Northern Ireland Open" тэмцээний шөвгийн дөрвөн тамирчин тодорлоо.
Долоо дахь удаагийн "2022 Northern Ireland Open" тэмцээний шөвгийн дөрөвт дараах тамирчид тунан үлдээд байна.
- Марк Аллен /Ирланд/
- Нейл Робертсон /Австрали, 2010 оны дэлхийн аварга/
- Зоу Юуелонг /БНХАУ/
- Антоны Макгилл /Шотланд/
Энэ тэмцээний хамгийн оргил тоглолт дэлхийн аваргуудын дунд өрнөлөө. Дэлхийн дөрвөн удаагийн аварга Марк Селби /дэлхийн чансааны 4/ шөвгийн дөрвийн төлөөх тоглолтод өөрийн мөнхийн өрсөлдөгч болох 2010 оны дэлхийн аварга Нейл Робертсонтой /дэлхийн чансааны 3/ 40 дэх удаагаа учраа таарлаа. Нэгэн үеийн аваргууд 2006 оноос хойш учраа тааран өрсөлдөж байгаа бөгөөд 2018 оноос хойш Нейл Робертсон аварга илүүрхэн хожиж байгаа билээ. Тодруулбал: 2018 оны "International Championship" тэмцээнээс хойш 13 удаа учраа тараахад 12 удаад нь Нейл Робертсон аварга хожоод байна. Тэд нийт 40 удаа учраа тааран өрсөлдөж Нейл Робертсон 20 удаа хожиж, Марк Селби 19 удаа хожиж, нэг удаа тэнцэж байсан түүхтэй.
Ингээд аваргуудын дуэлийг бүрэн эхээр нь үзэж сонирхоно уу.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.