"Нийслэлийн 48 дүгээр сургуулийн сурагчид бүлэг зодоон хийлээ" гэх дуудлага өнгөрсөн долоо хоногт цагдаагийн байгууллагад ирж, нийгмийн сүлжээнд бичлэг нь тавигдаж байсан билээ.

Хууль зүй, дотоод хэргийн сайд Х.Нямбаатар тус сургуулийн төгсөгч бөгөөд болсон үйл явдалд эмзэглэсэн тул  цагдаагийн байгууллагын зарим удирдлага болон сургуулийн захирал, сурагчдын төлөөлөл /зодооныг өдүүлсэн болон салгасан/-тэй өнөөдөр уулзжээ. ХЗДХ-ийн сайд Х.Нямбаатар: 

-Би энэ сургуулийн төгсөгч. Өөрийгөө олох, мэргэжил сонголтоо хийх чухал насандаа яваа дүү нар минь сайхан нөхөрлөж, сурч мэдэхийн төлөө тэмүүлэх ёстой. Болчимгүй алдаа гаргах вий, дахиж ийм үйлдэл битгий гаргаасай хэмээн захижээ. 

Мөн, асран хамгаалагчид болон багш, сурган хүмүүжүүлэгчдэд өнөө цагийн өсвөр насны хүүхдүүдийн онцлогийг анхаарч, сайтар тусалж, зөвлөж байх талаар захиж хэлсэн байна. 

---