? LIVE: Харьковт байсан 15 оюутан өнөөдөр Польш улсын хилээр орж ирснээр Украинаас бүх иргэнээ татан авлаа
Засгийн газрын хуралдаанаас гаргасан шийдвэрийг танилцуулж байна.
Гадаад харилцааны сайд Б.Батцэцэг: Хоёрдугаар сарын 25-наас Монгол Улс Украин дахь иргэдээ татаж эхэлсэн. Өнөөдрийн байдлаар хүсэлт гаргасан иргэдээ бүгдийг нь татаж авлаа. Харьковт байсан 15 оюутан энэ мөчид Польш улсын хилээр орж ирж байна. 15 минутын өмнө Украинаас гарсан гэсэн үг. Нийт 58 иргэнийг Польшийн хилээр татаж авч эх оронд нь ирүүлэх ажиллагааг ГХЯ, Польш дахь Элчин сайдын яам амжилттай зохион байгууллаа. Энэ үйл явцад Польш дахь Монгол иргэдийн оролцоо чухал байсан. Польшийн хил гарсан иргэдээс 13 нь эх орон руугаа ниссэн, 15 нь Истанбулд байна. Хүсэлт гаргаагүй байсан иргэд Монгол Улс руу ирэх хүсэлт ирүүлсэн. Киев хотоос гурван иргэн ирэх хүсэлтээ ирүүлсэн байгаа. Украин улсад холимог гэр бүлтэй 20 иргэн байгаа. Тухайн иргэдийн хувьд өөрсдөө ирэхгүй гэсэн хүсэлтээ Гадаад харилцааны яаманд мэдэгдсэн.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.