Д.Билодид: "Бид адгуус биш"

Украинд болж буй ОХУ-ын түрэмгийлэл үргэлжилсээр байна. 

Энэ талаар олимпын хүрэл, дэлхийн хошой аварга Украины жүдо бөхийн супер од Д.Билодид өөрийн цахим хуудаснаа эсэргүүцлээ илэрхийлсээр байна. Тэрээр өнөөдөр: "Гурав хоногийн дотор амьдрал эрс өөрчлөгдөж байна. Эх орон минь Оросын цэргүүдийн довтолгоонд өртлөө, МАНАЙ УКРАИНЫ НУТАГ. Тэд бөмбөгдөж, хүний ​​амь хороосоор байна. Тэд надаас гэр орныг минь, миний хайрт Киевийг минь булааж байна. Хүмүүс хоргодох байранд нуугдаж, тэнд эмэгтэйчүүд төрж байна, бид үүнийг хүртэх ёстой гэж үү? Бид адгуус биш шүү дээ. Бид хэзээ ч уучлахгүй. Бүх дэлхий чамайг үзэн ядаж байна! Гэхдээ бид, Украины ард түмэн, нэгдмэл, бид хамтдаа, эцсээ хүртэл бие биенийхээ төлөө! Украины Зэвсэгт хүчинд үнэхээр их талархаж байгаагаа илэрхийлж, биднийг хамгаалж, эцсээ хүртэл тэмцэж, бидний амь нас, тусгаар тогтнолыг хамгаалж байгаад баярлалаа! Та нар бол баатрууд! Бид эцсээ хүртэл бууж өгөлгүй тэмцэнэ гэдгийг санаарай! Украинд алдар бадартугай!!!"

Ташрамд сонирхуулахад түүний инстаграм хуудсыг 509 мянган хүн дагадаг байна.