МУГТ С.Цэрэнчимэд шилдгүүдийг цэвэр ялж түрүүллээ
Энэ өдрүүдэд Турк улсын Стамбул хотноо бөхийн төрлүүдийн дэлхийн чансаа олгох "Яшар Догугийн" тэмцээн зохион байгуулагдаж байна.
Тэмцээний хуваарь болон тус тэмцээнд оролцож буй монголын баг, бүрэлдэхүүний мэдээллийг ЭНД дарж үзнэ үү.
Манайхны медалийн салхийг хагалж МУГТ С.Цэрэнчимэд алтан медаль хүртэн, төрийн дууллаа эгшиглүүллээ. Оны эхэнд ОХУ-ын Красноярск хотод болсон Иван Ярыгиний тэмцээнд аваргалсан ДАШТ-ий алт, мөнгөн медальт, МУГТ С.Цэрэнчимэд 62 кг жинд түрүүлэхдээ жингийнхээ ихэнх шилдгүүдийг бүгдийг нь цэвэр яллаа.
1/8 шигшээ барилдаанд “Токио-2020” олимпын наадмын хүрэл, ДАШТ-ий нэг алт, гурван мөнгө, хошой хүрэл медальт Болгарын Тайбе Юсейнийг даралтаар цэвэр яллаа.
Шөвгийн наймд "Рио-2016” олимпын наадмын хүрэл медальт Энэтхэгийн Сакши Маликийг мөн цэвэр дарлаа.
Хагас шигшээд Африк тивийн анхны олимпын медальт бөх, ДАШТ-ий мөнгөн медальт Тунисийн Марва Амриг 12:1, шигшээ барилдаанд өсвөр үеийн дэлхийн аварга, залуучууд болон 23 хүртэлх насны ДАШТ-ий мөнгөн медальт АНУ-ын Мэсей Килтийг 12:0 гэсэн оноогоор цэвэр цэвэр яллаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.