Оросын зэвсэгт хүчний бөмбөгдөлтөд өртсөн долоон хүн амиа алдсан гэж Украины цагдаа нар мэдэгджээ.

Тодруулбал, Одесса хотын ойролцоох Подилскийн цэргийн анги пуужингийн халдлагад өртөж, дэлбэрэх үеэр зургаан хүн амь үрэгдэж, долоон хүн шархадсан байна. Мөн Мариуполь хотод нэг хүн нас барсан гэж албаныхан мэдээлсэн юм. Түүнчлэн 19 иргэн сураггүй алга болоод байгаа аж.

Украины арми Оросын таван онгоц, нэг нисдэг тэргийг сөнөөсөн гэж мэдэгдсэн бөгөөд иргэддээ хандан "Тайван байж, Украины цэргийн хүчинд итгээрэй" хэмээн уриалсан байна.

Харин ОХУ-ын Батлан хамгаалах яам энэхүү мэдээллийг үгүйсгэн, "Украины хилийн цэргүүд Оросын анги нэгтгэлүүдэд ямар ч эсэргүүцэл үзүүлээгүй" гэж онцлон тэмдэглэжээ.

На видео, предположительно, ракетный удар по военным объектам Ивано-Франковска pic.twitter.com/lTKWF7ETyF

— НТВ (@ntvru) February 24, 2022

Эх сурвалж: BBC

---