Монгол бөхөөс допинг илэрсний "20 жилийн ой" тохиож байна

Монгол үндэсний бөх допингийн асуудлаасаа болж барилдаанаа ч зохион байгуулж чадахгүйд хүрээд байна. 

Допинг гэдэг тухайн тамирчны амжилт гаргах, нэр алдраа дуурсгах хязгааргүй хүсэл зорилгоор ашигласан хориотой эмийн бодис юм. Үнэн шударгаар өрсөлдөх нь тамирчдын үнэт зүйл атал допинг хэрэглэж байгаа нь хууль бус үйлдэл. Монгол үндэсний бөхчүүдээс 1999 оноос жил бүр допингийн шинжилгээ авч эхэлсэн ба анх 2002 онд А.Сүхбат аварга допингийн шинжилгээнд бүдэрч байлаа. Өөрөөр хэлбэл монгол үндэсний бөхөөс допинг илрээд 20 жил жил болж байна. Өнгөрсөн хугацаанд үндэсний баяр наадам болгоны дараа допингийн асуудал сөхөгддөг "уламжлал" тогтсон нь эмгэнэлтэй.

Үндэсний их баяр наадмын шөвгийн 16-д үлдсэн бөхчүүдээс жил бүр допингийн шинжилгээ авдаг, бас сэргээш илэрдэг. Харин бөхчүүдийн хариу тайлбар ерөнхийдөө адилхан. “Бэртэл гэмтлийн улмаас хэрэглэж байсан эм тарианаас бодис илэрсэн бололтой. Түүнээс биш зориуд хэрэглэсэн зүйл байхгүй” гэдэг үгийг л хэлдэг.

Өнгөрсөн 20 жилийн хугацаанд албан ёсоор мэдэгдсэн дараах 40 бөхөөс допинг илэрсэн байдаг. 

Зургийн эх сурвалж: Монгол бөхийн хийморь фэйсбүүк хуудас