"KING TUG" Н.Төгсцогт В.Пасиллиастай тулалдана

Сонирхогчдын боксын олимп, ДАШТ-ий мөнгөн медальт, мэргэжлийн боксын шилдэг тулаанч МУГТ Н.Төгсцогт рингнээ дахин гарахаар боллоо.

Өнгөрөгч оны долоодугаар сард WBA-холбооны 58,9 кг-ийн жингийн түр аваргын бүсийг эзэмшигч Крис Колберттой жин өгсөн аваргын бүсийн төлөө тулалдан оноогоор ялагдсанаас хойш дэвжээнээ гараагүй байгаа билээ. IBO холбооны 57,2 кг жингийн дэлхийн аварга болж байсан, мэргэжлийн рингэнд 14 тулаан хийн 12 ялахдаа есөн удаад өрсөлдөгчөө хүнд цохилтоор буулган авсан МУГТ Н.Төгсцогт ийнхүү 15 дахь тулаанаа хийхэд бэлэн болоод байна. 2022 оны нэгдүгээр сарын 22-нд АНУ-ын боксчин В.Пасиллиастай тулалдана.

В.Пасильяс нь нийт 17 тулаанд орж, 16 ялж, нэг ялагдсан боксчин юм. Тэрээр одоогоос яг нэг жилийн өмнө WBA холбооны түр аваргын бүсийн төлөө тулалдан 11 дүгээр үед ялагдсанаас хойш рингэнд гараагүй байгаа юм.
Түүний хамгийн сүүлд тулалдсан тулааны тоймыг толилуулж байна.