ОХУ-ын 10 мянга гаруй цэрэг Украйны хилийн хэсгээс буцжээ
ОХУ-ын 10 мянга гаруй цэргийн алба хаагч Украйны хилийн ойролцоох бүс нутагт сарын турш бэлтгэл сургуулилт хийсний эцэст төв бааздаа буцаж ирнэ гэж тус улсын Батлан хамгаалах яамнаас мэдэгджээ.
Оросын Өмнөд тойргийн цэргийн ангиуд Украйнтай хиллэдэг Крым, Ростов хэсэгт байлдааны бэлтгэлд хамрагдаж байсан юм. Тэгвэл тэд одоо бааз руугаа буцаж байгаа хэдий ч ойрын өдрүүдэд үүсэж болзошгүй "онцгой байдал"-д хүчээ бэлэн байлгана гэж албаныхан тэмдэглэсэн байна.
Украйны тооцоолсноор, одоогийн байдлаар тус улсын хилээс 200 километрийн зайд Оросын 122 мянган цэрэг байгаа бөгөөд энэ нь хэдэн долоо хоногийн өмнөхөөс олон арван мянгаар нэмэгдсэн үзүүлэлт аж. Хэрэв АНУ болон "НАТО"-гийн зүгээс Украйнтай холбоотой аюулгүй байдлын баталгаа олгохгүй бол ОХУ хариу арга хэмжээ авна гэж Ерөнхийлөгч Владимир Путин өнгөрөгч ням гарагт мэдэгдээд байгаа юм.
Тус улс нь 2014 онд Крымийг эзэлсний дараа хоёр улсын мөргөлдөөн хурцадсан билээ. Сүүлийн үед Оросын цэргийн хүчин Украйны хил дагуу бэлтгэл сургуулилт хийх болсноор удахгүй довтолгоо болж магадгүй гэж Барууны орнууд болгоомжилж байна.
Эх сурвалж: UPI
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.