"Off-White" брэндийн үүсгэн байгуулагч хорт хавдраар нас баржээ
"Louis Vuitton" компанийн Бүтээлч захирал бөгөөд "Off-White" брэндийг үүсгэн байгуулагч Виржил Абло 41 насандаа хорт хавдраар нас баржээ.
Францын загварын брэндийн толгой компани болох "LVMH"-ийн мэдэгдэлд Аблог "суут ухаантай" уран бүтээлч байсан гэж тодорхойлсон байна. Тус мэдэгдэлд үргэлжлүүлэн "Тэрээр 2019 онд оношлогдсоноосоо хойш хорт хавдрын эсрэг тэмцлээ ганцаараа даван туулахаар шийдсэн бөгөөд олон хүнд хэцүү эмчилгээ хийлгэхийн хажуугаар загвар, урлаг, соёлыг хамарсан хэд хэдэн чухал байгууллагыг удирдаж байсан. Энэхүү өвчин түүний ажлын ур чадвар, хязгааргүй сониуч зан ба өөдрөг үзлийг хэзээ ч өөрчлөөгүй" хэмээн дурсан бичжээ.
АНУ-ын загвар зохион бүтээгч Абло Канье Уэстийн бүтээлч захирлаар алдаршсан бөгөөд хожим нь "Louis Vuitton" брэндийг удирдсан анхны Африк-Америк гаралтай хүн болж, түүхэнд бичигдсэн билээ.
Тэрээр 2019 онд маш ховор бөгөөд түрэмгийн төрлийн зүрхний хорт хавдраар оношлогдсон хэдий ч үүнийгээ олон нийтэд дэлгээгүй байжээ.
LVMH, Louis Vuitton and Off White are devastated to announce the passing of Virgil Abloh, on Sunday, November 28th, of cancer, which he had been battling privately for several years. pic.twitter.com/CytwZLvSFu
— LVMH (@LVMH) November 28, 2021
Эх сурвалж: BBC
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.