АНУ-ын алдарт "Pussycat Dolls" хамтлагийг үүсгэн байгуулагч Робин Антин тус хамтлагийн гол нүүр царай болох Николь Шерзингерийг шүүхэд өгчээ.

Антины мэдэгдсэнээр Шерзингер тус хамтлагийн эргэн нэгдлийн аялан тоглолтод оролцох ёстой байсан хэдий ч татгалзах болсон аж. Тодруулбал, Шерзингер өмнө нь тохиролцсон гэрээгээ эсэргүүцэн, уран бүтээлийн бүрэн хяналтыг хүсэж байгаа бөгөөд хамтлагийн шинэ бизнесийн үйл ажиллагааны орлогоос илүү их хэмжээний хувь хүртэхийг шаардах болжээ.

Дуучин бүсгүй "PCD Worldwide" компанийн 49 хувийн хувьцааг эзэмшдэг хэдий ч энэ хэмжээг 75 хувь хүртэл нэмэгдүүлэхийг хүсэж байгаа аж.

"Pussycat Dolls" хамтлаг салснаасаа хойш 10 жилийн дараа буюу 2019 оны 11 дүгээр сард эргэн нэгдсэн бөгөөд аялан тоглолт хийхээр төлөвлөөд байсан хэдий ч цар тахлын улмаас хойшлуулаад байгаа юм. Николь Шерзингер энэхүү аялан тоглолтын "идэвхтэй түнш" болохыг зөвшөөрч, хамтлагтайгаа 45 амьд тоглолт хийхийг зөвшөөрсөн гэрээнд гарын үсэг зурсан болохыг шүүхийн баримтуудад харуулсан байна.

Уг гэрээний дагуу хамтлагын Робертс, Уайатт, Сатта гэх гурван гишүүн тус бүр 12.5 хувийн цэвэр ашгийн орлого олох бол 2008 онд хамтлагаасаа гарсан ч буцаж ирсэн Бахар таван хувийн ашиг авах аж. "PCD Worldwide"-ын Гүйцэтгэх захирал Антин мөн 12.5 хувийн ашиг авах юм. Харин хамтлагийн гоцлол дуучин Шерзингер 32.5 хувийн ашиг олох гэнэ.

Эх сурвалж: BBC

---