Сүүлийн 24 цагт Улаанбаатар хотод 467, орон нутагт 977, нийт 1444 коронавирусын халдварын тохиолдол нэмэгдсэн байна. Харин зургаан иргэн коронавирусийн халдвараар нас баржээ. Ингэснээр коронавирусийн халдвараар нийт 833 иргэн нас бараад байна. 

Одоогийн байдлаар 9188 хүн коронавирусийн халдвараар өвчлөн эмчлүүлж байгаа бол 9310 иргэн гэрийн хяналтад байна. Үүнээс 5596 нь хөнгөн, 2457 нь хүндэвтэр, 855 хүнд, 190 хүн маш хүнд гэсэн оноштой байна. 

Хэвтэн эмчлүүлэгсдийн дунд 1779 хүүхэд, 402 жирэмсэн эх байгаа ажээ. 

Харин дархлаажуулалтын хувьд улсын хэмжээнд нийт хүн амын 61,1 хувь нь коронавирусын эсрэг вакцины 2-р тунд хамрагдаад байна. Нийслэлд коронавирусын эсрэг вакцины I тунд нийт хүн амын 72.3%, II тунд нийт хүн амын 66.0% хамрагджээ.

---