Засгийн газрын хуралдаанаас гаргасан шийдвэрийн талаар мэдээлэл хийж байна.

Ерөнхий сайдын хэвлэлийн төлөөлөгч Ч.Болортуяа"Монгол Улсын нийт хүн амын 60% коронавирусийн эсрэг вакцины бүрэн тунд хамрагдаад байна. Одоогийн байдлаар 12-17 насны хүүхдүүдийг вакцинжуулж байна. Хүүхдүүдийг бүрэн вакцинжуулснаар хүн амын 70 орчим хувьд хүрэх тооцоолол гарч байгаа.

ДЭМБ-аас вакцины гурав дахь тунг зөвлөөгүй байна. Дэлхий дахинд коронавирусийн эсрэг вакцинжуулалт хүртээмжгүй байгаа. Зарим улс орнууд эхний тун вакцинд ард иргэдээ хамруулаагүй байхад гурав дахь тун вакциныг хийх нь зохимжгүй гэдгийг ДЭМБ-аас зөвлөсөн. Гэсэн ч гурав дахь тунгаа хийж байгаа болон туршилтаар хийж буй улс орнууд байгаа тул энэ асуудлыг ЭМЯ болон холбогдох байгууллагууд үргэлжлүүлэн судалж байна. ЭМЯ-ны өнөөдрийн өгсөн мэдээллээр наймдугаар сардаа багтаж тодорхой зорилтот бүлэгт хандсан гурав дахь тунгийн вакцинжуулалтыг эхлүүлнэ гэсэн төлөвлөгөөг танилцуулсан. Гэхдээ Засгийн газар болон УОК-ын хуралдаанаас шийдвэр гараагүй байна" гэв.

---