Х.Нямбаатараар ахлуулсан хууль хүчний байгууллагынхан Замын-Үүд боомтод баривчилгаа хийнэ

Хууль зүй, дотоод хэргийн сайд Х.Нямбаатараар ахлуулсан ажлын хэсэг Замын-Үүд боомтод ажиллаж байна

Ерөнхий сайд Л.Оюун-Эрдэнэ өнгөрсөн баасан, бямба гарагт Дорноговь аймагт ажилласан билээ. Тэрбээр энэ үеэрээ Замын-Үүд боомтод ажиллаж зарим үүрэг, чиглэлийг өгсөн. Үүний хүрээнд Засгийн газрын ээлжит бус хуралдааныг өчигдөр хийж Замын-Үүд боомтод авах арга хэмжээнүүдийг хэлэлцсэн байна.

Түүний өгсөн үүрэг чиглэлийн дагуу Хууль зүй, дотоод хэргийн сайд Х.Нямбаатараар ахлуулсан ажлын хэсэг Замын-Үүд боомтод ажиллахаар өнөөдөр /2021.07.06/ өглөө Улаанбаатар хотоос хөдөлжээ. Ажлын хэсэгт Тагнуулын Ерөнхий газар, АТГ, Цагдаагийн Ерөнхий газар зэрэг хууль, хүчний байгууллагууд оролцож байгаа бөгөөд эх сурвалжийн мэдээлснээр Замын-Үүд боомтод авлига, албан тушаалын хэрэгт холбогдсон хүмүүсийг баривчилна гэлээ.

Баривчлагдах хүмүүсийн дотор тус боомтын гааль, хилийн мэргэжлийн хяналтын ажилтнууд багтаж байгаа бололтой.

Замын-Үүдийн ажил хариуцсан дарга нарыг чөлөөлж, дараах хүмүүсийг томилсон байна. Дэлгэрэнгүй мэдээллийг энд дарж уншина уу.